සන්ත්‍රාස

නිරුවත් ගැහැනියගේ උස් සුන්දර දේහය කහ බල්බ් එළිය යට දිලෙමින් තිබිණ. ඒ හරියටම ලංව බැලුවොත් මිසක ඇතිබවක් නොපෙනෙන අර බිත්ති සිදුරට ඉදිරියෙනි. “ඉඳපිය උඹට….’’ දත්මිටිකමින් ජැක්සන් කාමරේ බෝලකකූඩුවේ එල්ලෙමින් තිබූ බඳපටිය අතට ගත්තේය. මේ බඳපටිය භාවිතා වුණේ කාගේවත් ඉණක රැඳෙන්න නොවේ. මේ කුඩා ගෙය ඇතුළේ රාත්‍රී කාලයේදී මේ බඳ පටිය භාවිතා වුණේ වෙනස්ම කටයුත්තකටය. ජැක්සන් ඉහළට එසවූ බඳ පටිය වැරෙන් නිරුවත් ගැහැනියගේ පිටට පතිත කළේය. “චටාස්…!’’ “උහ්හ්…!’’ ඇගේ සිරුර වේදනාවෙන් වෙව්ලුම් කෑවේය. වෙව්ලා ගියේ ඇය පමණක් නොවේ. කාමර දෙකයාකළ සිදුරෙන් බලා උන් කුඩා ඇස් දෙකද තිගැස්සිණ.