විශ්වවිද්‍යාලය බිහිවීම සර් අයිවර් ජෙනිංග්ස් සහ ආණ්ඩුක්‍රම ව්‍යවස්ථාව
Highlights:
විසිවන සියවසේ ප්‍රථම භාගය ඉකුත් වීමට පෙර ජාතික වශයෙන් ඉතා වැදගත් සංසිද්ධීන් දෙකක් මෙරටෙහි සිදු විය. ඉන් පළමුවැන්න දිගු කලක සිට පෙළුණු අවශ්‍යතාවක් වූ ජාතික විශ්වවිද්‍යාලයක් නිර්මාණය කිරීමයි. මෙය මුලින් කොළඹ පිහිටුවා පසුව පේරාදෙණියේ සුවදායක පරිසරයකට ගෙන යනු ලැබිණි. වසර 150 ක පමණ කාලයක් තිස්සේ බ්‍රිතාන්‍ය අධිරාජ්‍යයේ යටත් විජිතයක්ව පැවති මෙරටට පූර්ණ නිදහස ලැබීම දෙවැන්නය. පළමුවැන්න ලන්ඩන් ආර්ථික විද්‍යා හා දේශපාලන විද්‍යා ශාස්ත්‍රාලයේ ප්‍රාවාර්ය (සහකාර මහාචාර්ය) විලියම් අයිවර් ජෙනිංග්ස්ගේ බුද්ධි ප්‍රභාවයේ ඍජු ප්‍රතිඵලයක් විය. දෙවැන්න වූ කලි එවකට ආහාර හා කෘෂිකර්ම අමාත්‍ය ඩී. එස්. සේනානායක සහ සිවිල් ආරක්ෂක කොමසාරිස් ඔලිවර් ගුණතිලක විසින් දියත් කළ ව්‍යාපාරයක ප්‍රතිඵලයක් විය. එහෙත් මෙම ව්‍යාපාරය සාර්ථක වූයේ මුල සිට අවසානය තෙක් තිරය පිටුපස සිට ජෙනිංග්ස් විසින් දෙන ලද කාලෝචිත නීති විශාරද උපදෙස් නිසාය. තත්කාලීන සමාජ සහ දේශපාලන ඉතිහාසයේ ජෙනිංග්ස්ගේ මෙම ද්විත්ව භූමිකාව කතුවරයා විසින් සවිස්තරව ගෙන හැර දක්වයි.
රු1,750.00
සුදුයි කළුයි මංජුයි
Highlights:
හේමන්ත ජයසේකර විසින් රචනා කරන ලද සුදුයි කළුයි මංජුයි නැමැති ළමා කථාව පාසැල් වල ප්‍රාථමික ග්‍රේණිගත සිසුන්ගේ අවධානයට ලක් විය යුතු, විශේෂයෙන් කියවිය යුතු අගනා පොතකි. ළමයාගේ ගෘහස්ථ පරිසරය ,ස්වාභාවික සෞන්දර්‍ය පදනම් කොට ගෙන රචිත මෙම ළමා කථාන්දරය තුල, පක්ෂීන් හා සිවුපාන්ගේ චරිත හා මිනිස් චරිත වටා මෙම කථාව ගොඩ නගා ඇත. පක්ෂීන් හා සිවුපාවුන් කෑගසන හඩ ඔවුන්ගේ ගෙලේ බැදි ගෙජ්ජි හඩ ආදි විවිධ නාද, දර්ශන, සිද්ධි වලින් හෙබි මෙම ළමා කථා පුවත ළමා අවධියේ සිසුවෙකුට විශේෂයෙන් මෙබදු සෞඛය ප්‍රශ්න, අර්බුද වලින් පිරුණු යුගයේ තම විෂය බාහිර ක්‍රියාකාරකමක් ලෙස පාසල් කාල වේලාවලින් පසු නිවසේදී වුවද කියවා රස විදිය හැකි ළමා වයසට උචිත ළමා සහිත්‍ය කෘතියක් ලෙස ළමා පරපුර වෙත හදුන්වාදීමට හැකිය.
රු325.00
ඔබේ දිවියේ නීතිවේදියා ඔබම වන්න
Highlights:
නීතිය සහ අධිකරණය පරිචයන් ගැන නිසි අවබෝධයක් ලබා ගැනීමට අවශය සාමානය මහජනයාට මෙන්ම සියලුම නීතිඥවරුන්ට, නීති සිසුන්ට සහ නීතිය පිළිබද උනන්දුවක් දක්වන ඕනෑම අයකුගේ පරිශිලනය සදහා මෙම කෘතිය වැදගත් බව කිව යුතුය. මෙහි ඇති විශේෂත්වය නම් කතුවරිය තමාගේ අධිකරණ කටයුතු මගින් නඩු කියන්නන් හට අපේක්ෂිත යුක්තිය ඉටුවී තිබේද, එමගින් ඔවුන්ගේ ජීවිත වලට බලපෑම් ඇතිවන්නේ කෙසේද යන කරුණු මැනවින් පැහැදිලි කරදී තිබීමයි.
රු390.00
ශිල්පීය වඩු කර්මාන්තය ඉගෙනුම 1 කාණ්ඩය
Highlights:
පැරණි වඩු කාර්මික ශිල්පීන් විසින් භාවිතා කරන ලද ආයුධ උපකරණ සහ නිර්මාණ සහිත ශිල්පීය ක්‍රමවේදය අද වන විට භාවිතයෙන් දුරස්වන නිසාත්, එම ක්‍රමවේදයන් ඉදිරියටත් පවත්වාගෙන යාමට නව පරපුර එක්කිරිමේ අරමුණින් මෙම කෘතිය ලේඛකයා විසින් ලියා ඇත. මෙහිදි වඩු කර්මාන්තයට අවශය වන උපකරණ මෙන්ම අදාළ මිණුම් ක්‍රම පිළිබඳව ද රුප සටහන් භාවිතයෙන් පැහැදිලි කිරිම් දක්වා තිබීම විශේෂයි.
රු300.00
ඝර්ම
Highlights:
මේ අතරතුර පුංචි කුරුල්ලෙක් පියඹා විත් ඔහුගේ උරහිස මත හිඳ ගත්තේ මහත් අනපේක්ෂිත මොහොතක ය. විසල් රවුම් ඇස් සහිත පුංචි කුරුල්ලාගේ ළා නිල් පැහැති පියාපත් මෙන්ම උගේ පිට දිගේ පැතිර තිබූ ශ්වේත වර්ණැති පිහාටු පුංචි කුරුල්ලාට එක් කළේ අමුතුම ලස්සනකි. සාමාන්‍යයෙන් ජලය මත බොහෝ වේලාවක් නොසෙල්වෙන වස්තුවක් මත මිස කුරුල්ලකු මෙසේ පියඹා විත් නොවසන බැව් දන්නා තීර්ථ ඒ අනුව නිගමනය කළේ තමන් සැලකිය යුතු කාලයක් දිය පහර මධ්‍යයේ එලෙස එකත්පස්ව සිටින්නට ඇතැයි කියා ය. මම මේ පැමිණ සිටින්නේ කුමන නම් කාලාවකාශයකටද? තීර්ථ තමන්ගෙන්ම ප්‍රශ්න කරගත්තේ ය.
රු1,550.00