Product Tag: ධම්මිකා පී. වීරගේ

එය ශීත ඍතුවේ ආරම්භය ළගාවෙමින් පැවැති දිනයක් විය. ඉතාමත් සැහැල්ලුවෙන් වීදියක් දිගේ ඇවිද යන තරුණයෙකි. හේ පාංශු දේහධාරි සිරුරට ගැලපෙන ලෙස හණ නූලෙන් කරන ලද කමිසයකිනුත්  ගොවි කලිසමකිනුත් සැරසී සිටියේය. කිඹුල් සමින් සාදන ලද සපත්තු කුට්ටමත් කළු උල් තොප්පියත් ඔහුගේ කඩවසම් බව වැඩි කළේය. මද ශීත සුළගින් කුල්මත් වූ දෑසින් වටපිට බලමින් හේ ගමන් කළේ සැහැල්ලු සිතින් යැයි බැලු පමණින්ම කෙනෙකුට සිතිය හැක. කලිසම් සාක්කුවෙන් එළියට ආ බදින ලද සූරියකාන්ත ඇට අහුරක් ඔහුගේ ගමනේ විඩාව නිවා දැමුවේය. පාර පසෙක වූ කුඩා බොරළු කැට වලට පයින් ගසමින් සැහැල්ලුවෙන් ඇවිද ගිය ඔහු හිටිවනම එක තැන නතරවිය…..