Product Tag: මල් කැකුළ

“සුරංගනාවි මට චූටි බබෙක් එවලා. නංගියෙක්ද මල්ලියෙක්ද කියලා තවම දන්නෙ නෑ. මම නම් හිතන්නෙ මල්ලියෙක්ම තමයි!”
සුපිපි සුදු පූසිට විස්තරේ කීවා.
සුදු පූසි “ඤාව්” කිය කියා අහගෙන හිටියා.
අලුත ගෙනා බෝනික්කටත් කීවා.
බෝනික්කා ඔළුව නමාගෙන අහගෙන හිටියා.
මල්වල පැණි බොන්න එන කුරුල්ලන්ටත් කීවා.
පැණි කුරුල්ලො “ක්වීක් ක්වීක්” කිය කියා අහගෙන හිටියා.
සුපිපිට හරිම සතුටුයි. එයා මේ ආරංචිය හැමෝටම කීවා.
මල්ලි බබා එනකල් සුපිපිට ඉවසිල්ලක් නෑ.