රාවණා 3 මෙහෙයුම
Highlights:
හෙළදිව පෞරාණික ප්රෞඩත්වය වර්තමාන සිංහල ජනතාව තුළට කාවැද්දීම සඳහා ඉතිහාසයේ වැළලී ගිය සටන් හාරා අවුස්සමින් කළ පර්යේෂණවල ප්රතිඵලයක් ලෙස මෙම කෘතිය නිර්මාණය වී ඇත.
මෙය හුදෙක් ප්රබන්ධ කෘතියක් නොව සැබෑ ඓතිහාසික හා පුරාවිද්යාත්මක කරුණු මත පදනම් වූ නිර්මාණාත්මක සාක්ෂියකි.
සත්යය සැමවිටම ප්රබන්ධයට වඩා රසවත් වනු ඇත.
සාරි ඇඳපු පිරිමි
Highlights:
මා ගෙවන මේ විචිත්ර ජීවිතය අහසින් කඩා වැටුණු එකක් නෙවෙයි. මේ ආනන්දනීය තත්ත්වයට එසවෙන්නට මා විඳි දුක්ඛ දෝමනස්සයන් ලියන්නට මාගලක් තිබුණත් මදි. පුංචි කාලේ අපෝ දුක් විඳලා තියෙනවා. මැතිණිගේ ආණ්ඩුව කාලේ පාන් පෝලිම්වල ලගින කොට මට එකොළහයි. ගමේ පංසලට ගියේ නම්පොත, සකස්කඩ, බුද්ධගජ්ජේ වනපොත් කරන්ඩ. ඒ වුණාට ටික කලක් ගත වෙන කොටයි තේරුණේ, මම මෛථුන්ය විනය කර්මයක පැටලී ඇති වග. එතකොට මට දහතුනයි. ඒ චීවරධාරියාට හැට හතරයි.
ඔය කියන හැත්තෑ ගණන්වල ඒක අකරතැබ්බයක්, අපචාරයක්, ළමා අයිතිවාසිකම් උල්ලංඝණයක් කියලා මං දැනං හිටියේ නැහැ. එහෙම දැනුම් තේරුම් තියෙන අය අපේ ගමේ හිටියෙත් නැහැ. අහල ගං හතක හිටියද කියලත් සැකයි. මං දැනං හිටිය එකම සත්ය ඒක රහසක් කියලා විතරයි. කෙළ හොල්ලලා තිබ්බොත් නහයෙන් කටිං ලේ දාලා, පපුව හත් කඩකට පැලිලා, එවේලේම පොළොව පලාගෙන නිරයට යන දිට්ඨ ධම්මවේදනීය පාපකර්මයක් කියලා විතරයි.
මල්ගුඩියේ මිනීකන්නා
Highlights:
ලොව බිහිවූ ශ්රේෂ්ඨ නවකථාකරුවකු වන අභාවප්රාප්ත, ඉන්දියානු ලේඛක ආර්. කේ. නාරායන් තමාගේ කෘතීන් තුළින් ඔහු ඉපැදුණු ඉන්දියානු ගැමි සමාජය තුළ ඔහුට මුණගැසුණු විවිධ මිනිස් චරිත අපූරුවට විග්රහකරයි. “මල්ගුඩියේ මිනීකන්නා” (මැන් ඊටර් ඉන් මල්ගුඩි Man Eater in Malgudi) නමින් සිංහලට නැගුණු මෙම නවකතාව තුළින් ප්රකට වන්නේද කතුවරයා තුළ පැවති එම අව්යාජත්වයයි. මෙහි එන ප්රධාන චරිත දෙක වූ නටරාජ් සහ වාසු යන චරිත අපට සමාජයේ බෙහෙවින් දක්නට නොලැබුණ ද, ඒවායින් එළි දැක්වෙන මිනිස් ගතිලක්ෂණ අපට ඒ ආකාරයෙන් ම නැතත් සුළු වශයෙන් හෝ අප සමාජයේ ද දක්නට ලැබේ. නිර්මාණකරුවකු වශයෙන් නාරායන් ලේඛකයාගේ සාර්ථකත්වය රැඳී ඇත්තේ සමාජය තුළට එබී බලමින් කරන චරිත විග්රය තුළය.
රජ කුමරියකගේ දිනපොත 2 – නම රැන්දු කුමරිය
Highlights:
රාජකීය උත්තමාවී අමෙලියා මිඤ්ඤෝගේ ග්රිමාල්ඩ් රෙනාල්ඩෝ පාසැල ඇරි ගෙදර එන්නේ අවුල් වූ සිතකිනි. අම්මා ගේ අනීතික පිළිසඳ ගැනීම පිළිබඳව තම පන්ති මිතුරු මිතුරියෝ පමණක් නොව තමාට ඉතා කිට්ටුවෙන් සිටින මිතුරිය ලිලීගේ මාපියෝද ප්රශ්න කරති. නමුත් ගෙදර පැමිණි විට දැනගන්නට ලැබෙන්නේ මිස්ට ගියානිනී අම්මාව විවාහ කරගන්නට සුදානම් බවය. තාත්තාත්, ආඩම්බර කිරි අම්මාත් එය දැනගන්නේ, කිරි අම්මා හදිසි විවාහ මංගල්යයකට දෙදෙනා සුදානම් කරවන්නේ අමෙරිකානු ජනාධිපති ඇතුළු කතානායක නායිකාවන් සහභාගි වන ගම්භීර උත්සවයකට සුදානම් වන්නටද, තමාට ප්රිය නොවු තම යෙහෙලියගේ නෙරා එන උදරය ඒ අමුත්තන්ට දකින්නට සලස්වා ඇයට අපහාසයක් කරන්නටදැයි ගැටළුවකි.
අමෙලියා කුමරිය ගණිතයට වැඩි ලකුණු ලබන්නී, ඇය පතා එන්නන් අතර රජ කුමරුවරු ඇතුළු පන්තියේ දෙදෙනෙක් ද දකී. කෙනී සහ මයිකල් අතරින් ඇගේ සිත වැඩියෙන් දුවන්නේ මයිකල් දෙසටය.
රාජ්ය මංගල උත්සවය සඳහා ලහි ලහියේ සියල්ල සුදානම් වද්දී, තම විවාහය චාම් මට්ටමින් සිදුවිය යුතු යැයි ප්රකාශ කරමින් මනාලයා සහ මනාලිය වෙනත් රටකට පලාගොස් එහිදි අප්රසිද්ධියේ විවාහ වෙති.
පියෙකුගේ කතාවක්
Highlights:
ලයනල් ඩාමර්ගේ දරුවා වසර 11 ක් තුළ පුද්ගලයින් 17 දෙනෙකු මරා දැමුවේ ය. අඳුරු කාමර තුළ සිරකොට, වධ දී, අතපය වෙන්කොට මරා දැමුවේ ය. ඇමෙරිකාවේ මිල්ටෝකි හි නිවෙස් අහිංසක දෙමවුපියන්ගේ විලාප හඬින් පිරවී ය.
ලයනල් ඩාමර්ගේ බිඳුණු හදවතින් ගලා ආ කඳුළු අකුරු, වෙවුලන වචන පේළි වල ඩාමර් අමුණා ඇත. එම කකියන වචන සමඟ ඔබේ හිත සුසර වූ තැන දී ඔබේ දැස් බොඳ වනු ඇති බව මම සඵත කරමි.මම පොත, ජීවිත 17 ක් බිළිගත්, මිල්ටෝකි හි යක්ෂයා ලෙස ලොව ම හඳුනන, වසර 941 කට සිර දඬුවම් ලැබූ ජෙෆ්රි ඩාමර් යන දාම ඝාතකයාගේ ජීවිතය ඔහුගේ පියාගේ ඇසින් දකින ලේ වැකුණු, සත්ය කතාවකි.
කාලයෙහි සංක්ෂිප්ත ඉතිහාසය
Highlights:
අග්රගණ්ය භෞතික විද්යාඥයන් අතුරෙන් එක් අයෙකු ලෙස ලොවම පිළිගත් ස්ටීවන් හෝකින් විසින් රචිත A Brief History of time, නම් මාහැගි ග්රන්ථයෙහි සිංහල පරිවර්තනය, ‘කාලයේ සංක්ෂිප්ත ඉතිහාසය’ නමින් ප්රකාශිත මෙම කෘතියයි.
වැඩිහිටියෝ නීතිය හා රැකවරණය
Highlights:
වගන්ති 44 කින් සමන්විත 2000 වසරේ පැණවූ අංක 09 දරණ පනත වැඩිහිටි තැනැත්තන්ගේ රැකවරණය හා අයිතීන් මෙන්ම දරුවන්ගේ හා රාජ්යයේ වගකීම් ක්රියාවට නැංවීම සඳහා යොදා ඇති යාන්ත්රණය හා වැඩ පිළිවෙළයි.
වැඩිහිටි වයසට පත්වන තැනැත්තන්ට නිසි රැකවරණ පසුබිමක් නොමැති වූ විට නොයෙකුත් සමාජමය අකරතැබ්බයනට මුහුණ දීමට සිදුවේ. වියපත් වැඩිහිටියනට දරුවන්ගෙන් සිදුවන ගැහැට වියවුල් ගැන කොතෙකුත් සිද්ධි අසන්නට ලැබතත් ඒවායේ පසුබිම් කරුණු හා ඒවාට විසඳුම් දුන් අයුරක් හෝ පිළිවෙලක් අසන්නට නොලැබේ.
ළමා කාලයේ සිට
Highlights:
කෘතියේ පෙළගැස්ම
- පාසලේ මුල් දවස හා සොයිසා ගුරුතුමිය
- පහේ ශිෂ්යත්ව විභාගය හා ඉන් පසු පාසල් ජීවිතය
- සිංහල අවුරුදු සතුට සමග වෙසක් සැරසිලි
- ඉරිදා දහම් පාසල
- මැදි විදුහලට ඇතුළුව ඉගෙනීම ඇරඹීම….යනාදිය
ජයන්
Highlights:
“මම කවදාවත් ගිහින් නෑ. කමක් නෑ යමු” කියලා ජයන් කිව්වා.
ඒවා ජයන්ලාගේ කුස්සිය තරම්වත් නැති ටකරන් හෙවිල්ලපු, සිමෙන්ති ගලෙන් බැඳපු පොඩි ගෙවල්. ගෙමිදුල්වල කහ පාට දහස්පෙති, වද මල්, කූඩළු වර්ග හෙම වවලා. ඒ ගමේ වැලි පාරවල් දෙපැත්තෙ කඳු බෑවුම්වල මීවන වර්ග වැවිලා. ඒ අතර හුදකලා වුණු පුංචි වන මල් පිපිලා.
සම්මුකී
Highlights:
විශ්ව දණ්දෙනිය අතීතය සමඟ ගනුදෙනු කරනා අයෙක්ද? ඒ පැනය මා මගෙන්ම අසාගත් වාර ගණන අපමණය. විශ්ව මුණගැසීමට අතීතයේ සිට ආදරණීය පණිවිඩකාරියක් පැමිණියාද? එලෙස ආවා නම්, ඇය ඔහු වෙත රැගෙන ආ අමුතු පණිවිඩය කුමක්ද? විශ්වගේ මේ අතීතය හා කෙරෙන ගනුදෙනුව, හුදු ඇබ්බැහියක්ද? එසේත් නැතිනම් කිසියම් ව්යාධියක්ද?
මග බලා හිඳිමි මම
Highlights:
විරාජිනී හා කාන්ති වෙත
මාරුවෙන් මාරුවට බැලූ ඔහු
වීරසිරිය. ඔහුගේ පෙනුම
එදාට වඩා අද හාත්පසින්ම
වෙනස්ය. වෙනදා තිබූ
අහිංසක පෙනුම වෙනුවට
ඇත්තේ හමුදා නිලධාරියෙකුටම සරිලන
ප්රතාපවත්, තේජස් ගතියකි.
“විරාජිනී…..කාලෙකට
පස්සෙ….”
ඔහු දිගු කළ අතට විරාජිනී
සිය සුරත දුන්නාය. ඔහු
දෑතින්ම ඒ අත අල්වා
සෙලවීය.
“හරි සන්තෝෂයි.
හමුවුණාට….”
විජයබා කොල්ලය
Highlights:
මහ වැස්සට අහස කළු කර ගෙන ,සුළං වැර කර ගෙන, විදුලි කොටා ගෙන, හෙණ පුපුරා ගෙන, එන්නේ යම් සේ ද, ජයවර්ධනපුරය මහා යුද්ධයකට සැරසෙන ලකුණු ද, එසේම පහළ විය. යුද්ධය ඉතා ම ආසන්නය. ඒ කෙ සේ වත් වැළැක්විය නො හැක, ද ලසර්දා කිසි සමගි සංදියකට නො එන්නේ ය.
කොළඹයා සහ ෂැංහයියා
Highlights:
ෂැංහයි මහාග්රපුරය අහසට ද පොළොවට ද අභියෝග කරන පශ්චාත් නූතන ගෘහ නිර්මාණ ශිල්පයේ විසල් ප්රදර්ශනයකි. එය කොළඹ පමණක් නොව, දිල්ලියේ හා මුම්බායි නගරයේ සිහිනවල පමණක් තිබෙන යුගයකට අවතීර්ණ වී ඇත; එහෙත් ක්රමයෙන් විශාල වන පාරිසරික ප්රශ්න හා ඇති නැති පරතරය හ සසඳන විට ෂැංහයි ද කොළඹ හා සමානය.
මේ කෘතිය හුදෙක් කොළඹ හා ෂැංහයි අතර සිද්ධි දාමයක් නොවේ. එය අතීතය හා වර්තමානය පිළිබඳ කතාන්දරයක් මැදින් කොළඹ දේශපාලන චිත්රය පිළිබිඹු කරන්නකි.
මංජු (මරණය හා ස්මරණය)
Highlights:
සාහිත්ය කෘතියක් ද නොවන,
එසේ නොවන්නේ ද නොවන,
දාර්ශනික කෘතියක් ද නොවන,
එසේ නොවන්නේ ද නොවන,
පර්යේෂණ ග්රන්ථයක් ද නොවන,
එසේ නොවන්නේ ද නොවන,
මේ අමුතු පොත,
ජීවිතයේ ඉම්පෙදෙස් හා මරණයේ තීර්ථය හරහා
ඔබ රැගෙන යයි.
සුනඛ සුරතලුන් දෙදෙනකුගේ ජීවිතය හා මරණය පිළිබඳ
සරල කතාවකින් ඇරඹෙන එය,
දිය බිඳුවක් සිතුවම් කෙරෙන කුඩා පින්සලකින්
මහසයුරක් චිත්රණය කරයි.
පොදු පුරුෂයා
Highlights:
අප පරම්පරා ගණනාවක් පොදු ස්ත්රීන් හා පුරුෂයන්ගේ දේශපාලන මායාවට දැන දැනම රැවටුණු රටකි. දේශපාලන වශයෙන් ද සමාජීය ගතික තුළ ද වැඩි නැඹුරුව විශාල බොරුවක අග්ර ඵලය වීම ය. සම්මතය ද සම්මානය ද විචිත්ර මායාවක් වී ඇත.
එතන සිට නොසිට
Highlights:
අමන්ද ඔහු වෙනුවෙන් රාක්කය අවුස්සා සයිමන්ගේ සංසාරණ්යයේ දඩයක්කාරයා පිටතට ගත්තේය.
“හා.” ඒ කුඩා පොතේ පිට කවරය දකිද්දී ඔහුගේ මුහුණ එළිය වූයේය. ‘මේ ඉන්නෙ පූර්වජ පියා. නීති පනවන නීතියට පිටින් ඉන්න සේරම ගෑනුන්ගේ අයිතිකාරයා. මේ අතන ගහේ බැඳල හිටපු මනුස්සයම තමා.’ දඩයක්කාරයාගේ ගොරෝසු රුව දෙස බලමින් කියූ ඔහු නැවතත් එක්වරම ඒ කියන්නේ දිගුක් මෙන් ඒ ස්වරයෙන්ම ඇසුවේය.
“අමන්දට තාත්ත අන්තිමට හම්බවෙලා අවුරුදු කීයක් විතර වෙනවද?”
“වයස එකොළහක් දොළහක් කාලෙ වගේ ඉඳල දැකල නෑ.”
ලාඩං
Highlights:
ලාඩං යනු අතීත මෙන්ම වර්තමාන කුදිරකාර පරපුරේ ජීවන අන්දරයයි. සිතුවමකට නැගීමට දැරුණු ප්රයත්නයයි. ලෙයින් කඳුළින් තෙත් වූ ඔවුන්ගේ එදා මෙදාතුර එම ජන සමූහයාට උරුම වූ නිමක් නැති දුක්-දොම්නස් ඉතිහාස කතාවේ අංශු මාත්රයක් හෝ මේ වෘත්තාන්තයේ තැවරී ඇත්නම් සහෝදර ජන ප්රජාවක් වෙනුවෙන් පිදෙන උත්තමාචාරයකි.
අන්ධයා සහ සුරුට්ටු න්යාය
Highlights:
බඩ තඩියා නැවතත් සිගරට්ටුවක් දල්වා ගනිමින් මෙසේ කියන්නට විය.
”කැලේ ඉන්න කොටියට දඩයම උගන්නනවලු ගඟේ ඉන්න මාළු”
අමාරුකාරයා ද අත්හැරියේ නැත.
”දැලි පිහිය හිාගෙන ඉන්නෙ තමන්ට කපන්න පුළුවං රැවුල විතරයි කියලලු”
”දෙපැත්ත කැපෙන ආයුධ මෝඩයන්ට බයයිලු”
නැවතත් අමාරුකාරයාගේ වාරය පැමිණියේ ය.
”තුවක්කුව වුණත් බයගුල්ලෝ අතට ගියහම කොකා මැරිල වැටෙනවලු හාමතේ ඉඳල ම”
”කාටද තමුසෙ කොකා කිව්වේ? මට ද? මට ද?”
බඩ තඩියා අතක් මීට මොලවා ගනිමින් අමාරුකාරයට අනින්නට ඉදිරියට පැන්නෙන් කිහිපදෙනෙක්ම හනික තම අතවු දුම් බට මුවෙහි රුවා ගනිමින් ඔහු අල්වා ගත්තෝ ය.
අකුරු-කතන්දර-1
Highlights:
ගුරුවරුන්, දෙමාපියන් සහ දරුවන් සමග කරන ලද සමික්ෂණයක
ප්රතිඵලයක් වශයෙන් මෙම පොත එළිදැක්වේ. අතීත ළදරු
අධ්යාපන ක්රියාවලිය (වැලි පිල්ල සහ ගල් ලෑල්ලේ අකුරු ලිවීම)සහ
නවීන ක්රම ගැබ්කොට මේ පොත සකස් වී ඇත.
පළමුව ලොකු අකුරු මත ළදරුවාගේ ඇඟිල්ල යැවීම හුරු කරවා
පසුව ඒ සඳහා පැන්සලක් පාවිච්චි කර ඇත. අකුරු ලිවීම සමග
කතන්දරය ද කියවිමෙන් අකුරු ඉගෙනීම ප්රීතිමත් කරුණක් සේ
ළමා මනස තුළ තැන්පත් වේ. එමගින් සොබාදහම සහ තාමා
ජීවත්වන පරිසරය පිළිබඳ දැනුමක් ළදරුවා ලබන අතර අකුරු
මතක තබාගැනීමද කඩිනමින් සිදු වේ. මේ ක්රියාවලිය අනුගමනය
කීරීම ගුරුවරයාට ද පහසු වනුයේ ළදරුවාගේ ඉගනීම ඉක්මනින්
සිදුවන බැවිනි.
දුලානි ද අල්විස්
අකුරු කතන්දර 2
Highlights:
ගුරුවරුන් දෙමාපියන් හා ළමුන්ද සම්බන්ධ කර ගනිමින්
කරන ලද පරික්ෂණාත්මක ව්යාපෘතියක ප්රතිඵලයක් ලෙස
මෙම පොත සකස් විණි.
පැරණි හා නවීන ඉගෙන්වීම් ක්රම සංකලනය කර ගනිමින්,
ගොඩනැගුණු ක්රියාදාමයක් ඔස්සේ දරුවාට වෙහෙසකර
නොවන ප්රීතිමත් ව්යායාමයක් ලෙස භාෂාව ඉගනීමට
අවස්ථාව ලබාදීම මෙහි අරමුණයි.
දුලානි ද අල්විස්