නීතිඥ නිලන්ත හෙට්ටිගේ

පොලිස් නිළධාරීන් තමන්ට බලපාන නීති රීති දැනගත යුතුවාක් මෙන්ම මහජනතාව ද පොලිස් බලතලවල සීමාවන් ගැන මනා අවබෝධයකින් යුතුව කටයුතු කළ යුතුය.     පොලිස් නිළධාරීන්ට හා සාමාන්‍ය ජනතාවට ප්‍රයෝජනවත් වන් නීති රීති සමබරව තෝරා බේරා සාරාංශ කිරීම තුළින් මේ කෘතිය සකස් කර ඇත.    මෙම කෘතියෙහි කොටස් 06 කි. මුල් කොටසින් පොලිස් සේවයේ ඉතිහාසයත්, දෙවෙනි කොටසින් පොලිස් ආඥා පනතට අදාල පොලිසියේ බලතල, යුතුකම්, අයිතිවාසිකම් පිළිබදවත් විස්තරාත්මක කරුණු ඉදිරිපත් කර ඇත. පොලිසියේ ක්‍රියාකාරිත්වය පිළිබදව සීමා කඩඉම් තීරණය කරනුයේ පොලිස් ආඥා පනතෙනි.   අපරාධ විමර්ෂණ කාර්‍යය තුලදී පොලිසියේ වගකීම තුන්වන කොටසින් විස්තර කෙරෙයි. හතරවැනි කොටසින් විවිධ පනත්වලට අදාළව පොලීසියට ලබාදී ඇති අතිරේක බලතල විස්තර කෙරෙයි.  මෙම කෘතියෙහි පස්වැනි කොටසින් පොලිසිය විසින් මහෙස්ත්‍ර්‍රාත් අධිකරණයෙහි නඩු පවරනු ලබන ආකාරය විස්තර කෙරෙයි. පොලිස් නිළධාරින්ගෙන් සිදුවන අසාධාරණකම් හා ඒවාට යොදන ප්‍රතිකර්ම මෙහි හයවන කොටසින් විස්තර කර දෙයි.   මෙම කෘතිය සම්පූර්ණයෙන් අධ්‍යයනය කිරීම තුළින් පොලීසියේ යුතුකම්, අයිතිවාසිකම්, බලතල හා බැදීම් පිළිබදව පැහැදිලි වැටහීමක් ඇතිවනු ඇත.