ඒ මගේ අම්මා
Highlights:
‘ආන්නා ඔයා අන්තිමට මොස්කව් ගියේ ගුරොව්ව මුණගැහෙන්න කියලා මම දන්නවා. ඊට කළින් ඔහු ඔයාව සොයාගෙන මෙහෙට ආවා කියලත් මම දන්නවා’
‘ඒ කාලෙකට කලින්නේ’
ආන්නා අම්මාගේ විශ්මිත පිළිතුරෙහි හඬත් සමඟ ඇගේ නිල්වන් දෙනෙත මා හට මැවී පෙනෙන්නට විය.
‘ඔයා මගේ ගැන ඔත්තු බලනවාද?’
ඇය නැවතත් විශ්මය මුසු තරමක කේන්තියකින් ඇසුවා ය.
‘ඔව් මම ගැන යාල්ටාවට ගිය දවසේ ඉඳල ඔයා පස්සෙන් හිටියා. ඔයා ගැන සොයා බැලුවා. ඒ මට හැමවිටම ඔයත් එක්ක පස්සෙන් වැටිල ඉන්න ඉඩක් නොතිබුනු නිසා’
ඔහු ගැඹුරු හඬින් කීවේය. අන්නා අම්මා කිසිත් කීවේ නැත.
ඝර්ම
Highlights:
මේ අතරතුර පුංචි කුරුල්ලෙක් පියඹා විත් ඔහුගේ උරහිස මත හිඳ ගත්තේ මහත් අනපේක්ෂිත මොහොතක ය. විසල් රවුම් ඇස් සහිත පුංචි කුරුල්ලාගේ ළා නිල් පැහැති පියාපත් මෙන්ම උගේ පිට දිගේ පැතිර තිබූ ශ්වේත වර්ණැති පිහාටු පුංචි කුරුල්ලාට එක් කළේ අමුතුම ලස්සනකි. සාමාන්යයෙන් ජලය මත බොහෝ වේලාවක් නොසෙල්වෙන වස්තුවක් මත මිස කුරුල්ලකු මෙසේ පියඹා විත් නොවසන බැව් දන්නා තීර්ථ ඒ අනුව නිගමනය කළේ තමන් සැලකිය යුතු කාලයක් දිය පහර මධ්යයේ එලෙස එකත්පස්ව සිටින්නට ඇතැයි කියා ය. මම මේ පැමිණ සිටින්නේ කුමන නම් කාලාවකාශයකටද? තීර්ථ තමන්ගෙන්ම ප්රශ්න කරගත්තේ ය.