Product Tag: M.D.L Gunarathne Petrol Vidum Paddathi

නවීන පැට්‍රල් වාහන එන්ජිම වැඩි ප්‍රමාණයක ඇත්තේ පැට්‍රල් විදුම් පද්ධතීන් ය (Petrol Injection Systems). විවිධ නිෂ්පාදන සමාගම් විසින් නිෂ්පාදනය කරනු ලබන විදුම් පද්ධති අතර නිර්මාණයේ මෙන්ම ක්‍රියාකාරිත්වයේද සමානකම් සේම බොහෝ වෙනස්කම්ද ඇත. එමෙන්ම නවීන පැට්‍රල් විදුම් පද්ධති සෑම එකක්ම පාහේ ඉලෙක්ට්‍රොනිකව පාලනය කරනු ලබන පද්ධති වේ. මෙම පොතෙහි අරමුණ වන්නේ, නවීන පැට්‍රල් විදුම් පද්ධතිවල නිර්මාණය හා ක්‍රියාකාරිත්වය පිළිබදව පුළුල් දැනුමක් ලබාදීම ය. එම අරමුණ ඉටුකර ගැනීම සදහා , නවීන වාහනවල දක්නට ලැබෙන එකිනෙකට වෙනස්කම් සහිත පැට්‍රල් විදුම් පද්ධති හයක නිර්මාණය හා ක්‍රියාකාරිත්වය මෙහි ඉදිරිපත් කර ඇත. එහෙයින්, එම පද්ධති හොදින් අධය්‍යනය කිරීමෙන්, නවීන වාහනවල දක්නට ලැබෙන පැට්‍රල් විදුම් පද්ධති පිළිබද මනා අවබෝධයක් ලබාගත හැකි වේ.