ගුවන් විදුලිය බැබලූ තරු

1925 වසරේ මෙරට නිල වශයෙන් ආරම්භ කරන ලද ජාතික ගුවන් විදුලිය තම ක්‍රමික විකාශනය තුලින් දීප ව්‍යාප්ත ජාලයක් බවට පත්විණි. මුලින් අගනුවර කේන්ද්‍රීය කරගෙන ආරම්භ කරන ලද ගුවන්විදුලි මාධ්‍ය තරංග හා කෙටි තරංග ඔස්සේ ගුවන් විදුලි විකාශනයන් පවත්වා ගෙන යාමට කටයුතු කරන ලදි. ගුවන් විදුලිය සිංහල – දෙමළ – ඉංග්‍රීසි විකාශන හා විදෙස් සේවාවන් පවත්වාගෙන යන ලදි. 1967 වසරේදි ගුවන් විදුලිය දේපාර්තුමේන්තුව සංස්ථාවක් බවට පත් කෙරිණි. ගුවන්විදුලිය ගමට ගෙන යාමේ සංකල්පය යටතේ 1979 රජරට ප්‍රාදේශීය ගුවන් විදුලි සේවය ද ( රජරට සේවය ) 1980 රුහුණු ප්‍රාදේශීය සේවය ද (රුහුණු සේවය ) 1983 මහනුවර ප්‍රාදේශීය ගුවන් විදුලි සේවාවද ( මහනුවර සේවය ) ආරම්භ කරන ලදි.