සත්විල මහා සුභදාවෝ
“පිංචි,නන්දනී උපදිනව දැකල තියෙනවලු. එක පාරටම බිමට වැටුණලු.” නන්දනී යනු ඔවුන්ගේ මාමාගේ දියණියයි. බාල සොයුරියෝ සිය කටවල් වසා ගත්හ. ඔවුන් වට පිට බැලුවේ තවත් කිසිවෙකුට ඒ බැවු ඇසුණේ දැයි දැන ගැනීමටය.
එතැනට ආ වැඩිමල් සෝයුරියක් කට වර්ද්දා ගත් එකියගේ කටට ගැසුවාය.
“මේකිගේ පැහිච්ච කතා. පිංචි මුන් නරක් කරලා”
පහර කෑ සෝයුරිය හඬන්නට තරම් අහිංසක කතාවක් අද කියා නැත.
එ කෙණෙහි සිය ප්රේම කාන්තාව දැක අත දිගු කළා වු කාම පුරුෂයෙකුගේ සේ අම්මා සිය සැමියා සිහිනෙන් මෙන් දුටුවාය. එකෙණෙහි කර්මජවාත චලනය විය.
ඇල්ලඋඩ යයි හඳුන්වන ලද ඉදිරිපස මිදුල කෙළවරට වී සිටි දරු පිරිසට ළදරුවාණ කෙනෙකුගේ කෑ ගැසීමක් ඇසිණ. සියල්ලෝම එක් වර විමතියට පත් වුහ.
යාරා යාත්රික
“යාර යාත්රිකා” ඔස්ට්රේලියාව පසුබිම් කොටගත් සිංහල නවකතාවකි. මෙල්බර්න් පුරවරයේදී හමුවු ශ්රි ලංකික වැඩිහිටි යුවළක්, පේරාදෙණියේ සරසවි ජිවිතය ස්මරණය කරමින් හා සිය අතීත ජිවිත වෙතට කිඳා බසිමින්, මෙල්බර්න් නගරය කේන්ද්ර කොටගෙන ඔස්ට්රේලියාවේ වික්ටෝරියා ප්රාන්තයේ සංචාරක ආකර්ෂණයන් කරා ගිය චාරිකා ඔස්සේය
ඔස්ට්රේලියාවේ සුදු යටත්විජිතකරණය, ඔස්ට්රේලියානු භූමියේ උරුමක්කාරයන් වන ඇබෝරිජින්වරුන්ගේ පීඩනය, ඔවුන් හා “සොරාගත් පරම්පරාවක” තතු විදහා දක්වන එය, ඇබොරිජින්වරුන්ගේ ඉතිහාසය,සංස්තිය, කලාව, චිත්රශිල්පය හා “ඩ්රීම්ටයිම්” නම් අධ්යාත්මය වෙනුවෙන් කරන උත්සර්ගයක්ද වේ. වික්ටෝරියාවේ කෞතුකාගාර, කලාගාර, සංස්කෘතික කේන්ද්ර, පුස්තකාල හා ඇබොරිජින්වරුන්ගේ පුජ්යස්ථාන සොයා යන “යාර යාත්රිකා” සංස්කෘතික චාරිකාවක්ද වේ.
බණ්ඩාර මැරූ උන්
චිත්රශිල්පය, ලෝ ප්රකට චිත්රශිල්පීන් හා ලෝ ප්රකට සිතුවම් පිළිබඳ ගැඹුරින් සාකච්ජා කරන මෙම නවකතාව, ඉතා අභිරහස් ලෙස මහවැලියේ ගිලී මියගිය, ගිරිදේව නම් චිත්රශිල්පියාගේ ජීවිතය හා බැඳුණු, භද්ර අභද්ර සිදුවීම් අඩංගු අනුවේදනීය දීර්ඝ කතා පුවතකි. අප රටේ චිත්රශිල්පීන් ට හා චිත්ර ගැන උනන්දුවක් දක්වන අයට මෙම පොත ගොඩක්ම දැනෙනු ඇත. ගිරිදේව, තේනි, කුඩාදේව, රතුමහත්තයා හා මහාචාර්ය වටපාන යන චරිත වටා මෙම කතාව ගෙතී ඇත. දරුවන් පිටරට යවන දෙමවිපියන්ගේ අනාගත ඉරණම හා තමාට ආදරය කරන දුප්පත් යුවතිය අතහැර ඉහල තනතුරක් හොබවන ‘මැඩම්’ කෙනෙකු කසාද බඳ ගන්නා මෝඩ මිනිසුන්ගේ අනාගත ඉරණම ගැන ද. උගතුන් විසින් තමා නොදැනුවත්ව වර්තමානයේ කරනු ලබන මෝඩ ක්රියාකලාප කර්තෘ විසින් මානව ඉදිරිපත් කර ඇත.
හඳුන්මල් කඩුල්ල
‘හඳුන්මල් කඩුල්ල’ මඟින් සිදුවී ඇත්තේ පෙර කී වටවන්දනාවට හා වන්ධනාකාරයාගේ මරණයට බද්ධ කරමින් යටත්විජිතවාදීන්ට එරෙහි වු උඩරට විමුක්ති අරගලය, ම්ලේච්ජ මර්දනය, විමුක්තිකාමීන්ගේ අධිෂ්ඨානය,බ්රිතාන්ය යටත්විජිතවාදි ආණ්ඩුව මඟින් ගෙන එන ලද ජනතා ද්රොහී අණපනත්, අනාඥා හා බ්රිතාන්ය පරිපලනයේ බිහිසුණු බව කියාපෑමයි