දොලොස් ලග්නය සහ ග්රහයෝ
දොළොස් ලග්න සහ ග්රහයින් ගැන ද, එම ග්රහයින් පිහිටා ඇති ආකාරය අනුව යෙදෙන යෝග ආදී වැදගත් කරුණු ගැන ද මේ කෘතියෙන් පුළුල්ව විග්රහ කෙරේ. ජ්යෝතිෂ පොත් ගණනාවක්ම ලියා ඇති ලංකාවේ ප්රවීණතම ජ්යෝතිෂවේදියකු වන පියසේන රතුවිතාන මහතා මෙහි කතුවරයා වේ.
නැකත් හදන හැටි
ජ්යෝතිෂයේ වැදගත් අංගයක් වන නැකැත් සාදන ආකාරය පිළිබඳව ක්රමානුකූලව සහ සරලව පැහැදිලි කරන මෙම කෘතිය ජ්යෝතිෂය හදාරන්නන්ට මෙන්ම එහි නිරතවන්නන්ට ද ඉතා වැදගත්ය.
විවාහයට කේන්ද්රය බලපාන හැටි
කොතරම් රූමත් වුව ද, ධනය තිබුණ ද, උසස් රැකියාවක් කළ ද නිසි වයසට පැමිණි තරුණ තරුණියන් විවාහ වීමට සුදුසු අයකු නොමැතිව ලතැවෙයි. එවන් අයගේ කේන්ද්රයක ග්රහ පිහිටීම අනුව විවාහය පමා වන බව ජ්යෝතිෂ ශාස්ත්රඥයෝ පෙන්වා දෙති. සමහරවිට ග්රහ පිහිටීම ගැලපෙන කේන්ද්රය ලැබුණු විට විවාහය ඉක්මන් වේ.ත එසේ වුවද ජ්යෝතිෂයට අනුව විවාහය කෙරෙහි පොරොන්දම් ගැලපීම ඉතාමත් අවශ්ය වේ. ඉතාමත් සරල බසින් ලියැවුණු මේ කෘතිය තේරුම් ගැනීමට නක්ෂත්රය පිළිබඳ දැනුමක් අවශ්ය නොවේ.
පොරොන්දම් බලන හැටි
පොරොන්දම් බලන හැටි ඉගෙනීමට අවශ්ය නක්ෂත්ර වගු හා පොරොන්දම් ශාස්ත්රය පිළිබඳ මෙතෙක් හෙළිදරවු නොවූ අති දුර්ලභ කරුණු රාශියක් අන්තර්ගත මෙම කෘතිය ජ්යෝතිෂ ග්රන්ථ රැසක් සම්පාදනය කළ ප්රවීණ ජෝතිර්වේදීයෙකුගේ මනා දැනුමේ හා දිගුකාලීන ගවේෂණයක ප්රතිඵලයකි. විවාහයට පමණක් නොව වෙනත් බොහෝ කටයුතුවලට පොරොන්දම් බලන හැටි ද මේ කෘතියෙන් හෙළිදරව් කරයි.
තත්කාල හා නිමිති ශාස්ත්රය
ජ්යොතිෂයේ පුදුම උපදවන එමෙන්ම සිත් ඇදගන්නා අංශය ලෙස තත්කාල හා නිමිති ශාස්ත්රය හැඳින්විය හැකිය. යම් කිසිවෙකු ජ්යොතිෂඥයෙකු වෙත පැමිණ කිසියම් කරුණක් සිතේ තබාගෙන,ථ තමුන් එය පිළිබඳ හෙළි නොකර විමසූ විට හිතේ තිබෙන දේ කීම තත්කාල හා නිමිති ශාස්ත්රයේ ප්රධානතම කර්තව්ය වන්නේ ය. මේ කෘතිය ඒ පිළිබඳ කරුණු විස්තරාත්මකව දක්වයි.